شعرك حرير بجدددد

3986

طول و نعومة و انسى بقى التقصيف و الشعر الخفيف و كل وجع الدماغ ده...بس اهم حاجة تداومى عليها
لان موضوع اسبوع ولا اسبوعين و تبطلى ده ما بيجبش اى نتيجة و لازم تهتمى بأكلك و طبق السلطة اساسى كل يوم
و الفاكهة و شرب 2 لتر مياه خلال اليوم و اهم وقت تشربى فيه مياه كتيييييييير و هتفيد جسمك و شعرك و بشرتك
هو شرب المياه عالريق .
ليه بقى ؟ عشان بتطردى كل السموم اللى فى جسمك فا بالتالى بيبقى ده مفيد لجسمك و شعرك و بشرتك و بالتالى هيأثر على نفسيتك

اهتموا بالجسم من جواه عشان بجد ده اهممممممممممم لان لو الفايدة هتبقى 6 من 10 من غير تغذية سليمة و شرب ماية
هتبقى 10 من 10 لو اهتميتوا بالاكل الصحى و شرب المياه

كل المكونات موجودة عند اى عطار و رخيصة  فا متبخليش على نفسك و تكسلى بتجربة ماسك .

2 معلقة زيت زيتون بكر + 2 معلقة زيت ثوم + 2 معلقة زيت بصل + 2 معلقة زيت خروع + 2 معلقة زيت جوز الهند او زيت باراشوت + 2 معلقة زيت سمسم + 2 معلقة زيت صبار

خطيهم كلهم على بعض فى ازازة و رجيها كويس جدآآآآآآآآ و اعملى حمام زيت لشعرك بيهم ولو عاوزة تخففى الزيت شوية ممكن تحطى ماية ورد بس شوية صوغنانين

الطريقة: اغسلى شعرك كويس جدآآآ و بعدين تكونى حطة فى طبق او حلة مية سخنة و تدفى أزازة خلطة الزيوت فيها
بعد كده تدهنى شعرك و تركزى عالأطراف و بلاش أوى على فروة الراس عشان تعرف تتنفس و تلمى شعرك و تحطى البونيه او فوطتك السخنة و تسيبيها من ساعتين ل 4 ساعات و بعدين تغسلى شعرك بالشامبو و البلسم و تحطى اى كريم انتى بتحبيه او سيروم ...اعمليها فى اول شهر من 3 ل 4 مرات فى الاسبوع بعد كده مرتين فى الاسبوع كفاية

انا عن نفسى بعد ما بغسل شعرى بحط سيروم زيرو فريز مع زيت زيتون بيخلى الشعر يجنننننننننننننننننننننننن

على فكرة انا ساعات كمان بزود على خلطة الزيوت معلقتين مايونيز و ماقولكيش بقى على النعومة و الطراوة الزيادة.

بجددددددددددد هتتخضوا من جمال شعروكوا و من اول مرة هتحسوا بالنعومة و الطراوة و مع الاستمرار واللهى هتطبستوا من الحالة اللى وصل ليها شعروكوا جدآآآآآآآآآآآ من طول و تقل و نعومة

يارب اكون قدرت افيدكوا ... :)

Princess Zozo
المتابعين 50

  إبلاغ عن إساءة   |     ارسال لصديق