ماسك طبيعى مفيد جدا للبشرة
بذر قطونه بتجيبيها من عند العطار
دا حاجه كده لو اطول ابوسها حبايه حبايه حعمل كده
هو شبه السمسم زى ما انتى شايفه كده بتجيبى
2 معلقه كبيره وتحطيها فى كيس ودقدقيها بأيد الهون او الشكوش كام دقه كده
ليه لان ال جواها هو ال عليه الشغل كله وفى طبق تنزليه من الكيس
وحطي علية شوية ماء ساخن اوى بتاع معلقتيين كده وممكن تزيد لو لقتيها ناشفه
لغاية ميبقي عامل زي الجيلاتين
وتحطي علية نقطتين زيت لوز
وتحطية علي وشك
وتسبية لمدة ساعتين
هتلاقي وشك مسك كدة
وعامل زي الجبس
وشكلك زي الي بيخوفوا
بيهم العيال بليل
عادي مش مهم
بعدكدة اغسلية بالماء الفاتر
وبعدين ماء ساقع عادي
وادهني وشك بقطنة فيها ماء ورد
وشوفي بقي النتيجة
والله والله
انك تانى يوم حتبصى فى المرايا محتصدقى نفسك
وشك اتبدل ومبقاش هو
مشدود وابيض كدة وجميل ونااااااعم وبيلمع
اعملية مره في الاسبوع
لمدة شهر
وشوفي النتيجة
بيقشر الجلد بيشيل طبقات الجلد الميت ويبيض البقع ويوحد لون البشرة ويعالج البقع بيرطب الوش ويشيل التجاعيد والخطوط وكمان الحفر الى بتبقي فى الوجة لانها غنيه بالكولاجين فكأنك عملتى تقشير كريستال وختى حقنه كولاجيين ولا اجدع دكتور تجميل
r-atef
0
