اللي ما تحب تشرب المويه تقرأ هذه المشاركة

طبعاً ما بنتكلم عن فايده شرب الماء للبشره و الشعر و الجسم و النفسيه !! اكيد الكل صاير عارف..بتكلم اليوم عن شي مهم و هو التطبيق.. كيف تشربين موية !
في ناس تقولك ما احب طعمها مع انه في درس العلوم اخذنا انه ماله طعم ولا ريحه ولا لون ..بس من جد في بنات تقولك ما احب طعمها ..

في بنات تقولك ازهق من طعمها ... في بنات تقول اشرب العصير يكفي (طبعا ما يكفي لأن كمية السكر في العصير عالية  فما رح تقدري تكثري من العصير )

في بنات تقولك ما اشرب الا اذا عطشانه ..

كل هالبنات الحين بخليهم غصب يشربون مويه و يحبونها بهذه الطريقه :D

اضحكي على نفسك .. و قطعي الفواكه اللي تحبيها .. و حطيها في علبه الموية و اتركيها شوي.. و خليكي اشربي منها.. حتاخذ نكهه بسيطة بس حتغير طعم الموية الاصليه و بكذا اخذتي الفايدة..
اكيد تشوفو كيف يحطو الليمون مع السفن اب في المطاعم .. نفس الفكره ..
تقدري تتفنني في الفواكه اللي تحطيها ..اكثرها انتشاراً .. الليمون البرتقال الجريب فروت الخيار الفراوله و التوت بأنواعه .. في ناس تسوي كوكتيل و تحط اكثر من فاكهه .. انتبهو .. انا اقول قطع و ليس عصير ..

ممكن تنكهيها ايضاً بأوراق النعناع او الحبق او الريحان .. هذه الأوراق العطريه تعطي نكهه ايضاً ..

اترككم مع بعض الصور .. ايش رايكم؟ شكلها منعش و مناسب لفصل الصيف صح؟